JEGERNDORFFIUM

JEGERNDORFFIUM

Lat. Cannovia, opp. Silesiae, cum castro, ad Oppam fluv. Principatus olim cognominis caput, vulgo Iagerndorff. Hunc Principatum gratitudinis ergo, Georgius, fil. Friderici Brandeburgici, Franconici lineae auctoris, a Ludovico Bohemiae et Hung. Rege quem educaverat, nactus est A. C. 1524. quem successor Ferdinandus ei, sed sub feudi conditione, reliquit. Idem Oppoliensi etiam et Oppaviensi Duc. donatus erat, sed hi ad regnum rediêre. Evangelicae Religioni constans assertor, Obiit A. C. 1545. Pater Gedrici Friderici, qui Decessit improlis, A. C. 1603. Princeps candidus, constans et in omni fortuna sibi similis. Ab hoc Principatum sibi donatum occupavit, circa eundem A. C. 1603. Ioachimus Fridericus El. Brandeburgicus: quem hic dein A. C. 1606. in filium secundogenitum Ioh. Georgium, Ep. Argentinensem, electum A. C. 1592. unde bellum, de quo Thuanus, l. 104. et 105. transtulit. Hic A. C. 1618. Silesiae utriusque militiae Generalis Dux constitutus, sequentibus annis, turbis Palatinis implicitus est; ob Silesiam et Moraviam A. C. 1621. infestatas, ab Imp. proscriptus, Bethlemi Gaboris conatus in Hungaria iuvit. Demum A.C. 1624. in Transylvania Mortuus et Cassoviae sepultus,reliquitfilium Ernestum, qui in Wirtembergica aula aliquandiu vixit, tum produx Berolini fuit: Mortuus absque herede. Vide Phil. Iac. Spener. Syll. Geneal. Hist. qui inter alia, de praefato Gedrico Friderico memorat, natali suo die A. C. 1582. Heilsbronnae gymnasium aperuisse, in quo centum alumni sustentarentur, et cum stipendio 50. aureorum in Academias mitterentur, etc.